Sarako neskatchak

Goyetche, Joset

 1

 Agur biotzez, agur, neskatcha gazteak,

 Sara maite huntako eskualdun loreak!

 Churi-gorri ederrak zuren arpegiak

 Piztuak beti dauzka Larrungo aizeak,

 Sutto eztiño batez begiak beteak.

 2

 Gaindiz doatsu zare neskatch menditarra!

 Eskualduna zelakotz amaren bularra!

 Larre zabal haundian bildurik indarra,

 Odola gorri duzu, zainetan azkarra,

 Diruz erosten ez den osasun ederra...

 3

 Herria maita zazu, zain gure mintzaira,

 Ontasun ederrena delakotz eskuara!

 Othoi ez dezazula uka aidedura:

 Orhoit zor diozula daukazun indarra,

 Hirira, chuhur bauzu, ez zaitezen lerra.

 4

 Ederki apaindua, iduri panpina,

 Andre gaztea zare gaur bestara jina!

 Ilea itzulika kopetan emana,

 Galtzerdi zirikuak, soin motch bat arina,

 Bularren estaltzeko gate urhe fina.

 5

 Zoin zaren begikoa floka bat gerrian,

 Dantzan ari zarela biotza lorian,

 Arpegia pichtua, irri bat begian,

 Oinak arin ibilki ederkun haundian

 Egalak choilki eskas goateko airian.

 6

 Ogoi urte ditutzu, andere gaztea,

 Ez zeru, ez lurrean zabiltza, maitea!

 Egingaiez milaka burua betea,

 Guti jakina, bainan haundia ustea,

 Iraupen laburreko arrosa-lorea.

 7

 Gaztearen muskila, amets bat bezala, 

 Arratsetik goizera histen berehala;

 Urtzo ehoro gaichoa astira dabila,

 Pausatzeko ez jakin non hauta arbola,

 Ustez bere meneko denbora dagola!

 8

 Egun ahal duzuna ez utzi biharko;

 Iragan den orena ez da itzuliko!

 Lur huntako bizia aise jasateko,

 Goizik begista zazu lagun bat geroko:

 Bertzenaz bakar zare dorpe geldituko.

 9

 Gazteak gazteari irriz begiratzen:

 Begiz dire elgarri urrundik mintzatzen;

 Amodioz delarik biotza betetzen,

 Biak ari badire su beraz erretzen,

 Erre bainon ezkondu, uste dut hobe den.

 10

 Egun neskatcha gazte, bihar etchekandre,

 Ez izan ezkontzeko beldurrrik batere.

 Familia haundiak beti du ohore:

 Jainkoak laguntzen du segurki halere.

 Zorion bat deneri dautzuet nik ere.