Neskatxak
Goyetche, Joset
1
Agur, biotzez, agur, neskatxa gazteak,
Sara maite huntako eskualdun loreak!
Xuri-gorri ederrak zuren arpegiak
Pizuak beti dauzka Larrungo aizeak,
Sutto eztiņo batez begiak beteak.
2
Gaindiz doatsu zare, neskatx menditarra,
Eskualduna zelakotz amaren bularra!
Larre zabal haundian bildurik indarra,
Odola gorri duzu, zainetan azkarra:
Diruz erosten ez den osasun ederra!
3
Herria maita zazu, zain gure mintzaira,
Ontasun ederrena delakotz eskuara!
Othoi, ez dezazula uka aiden kuna:
Orhoit zor diozula zuk duzun indarra,
Irira, xuhur bauzu, ez zaitezen lerra.
4
Ederki apaindua, iduri panpina,
Andre gaztea zare gaur bestara jina!
Ilea itzulika kopetan emana,
Galtzerdi zirikoak, soin motx bat arina,
Bularren estaltzeko gate urhe fina.
5
Zoin zaren begikoa floka bat gerrian,
Dantzan ari zailarik, biotza lorian,
Arpegia pixtua, irri bat begian,
Oinak arin dailzkatzu ederkun haundian.
Egalak xoilki eskas joaiteko airian.
6
Ogoi urte ditutzu, andere gaztea,
Ez zeru, ez lurean, zalbitza, maitea!
Egin-gaiez milaka burua betea;
Guti jakina, bainan... handia ustea,
Iraupen ņimiņoko arrosa-lorea.
7
Gaztearen muskila, amets bat bezala,
Arratsetik goizera isten bereala.
Urtso xoro gaixoa astira dabila,
Pausatzeko ez jakin nun auta arbola,
Ustez bere meneko denbora dagola.
8
Egun ahal duzuna, ez utzi biarko;
Iragan den orena ez da itzuliko.
Lur huntako bizia aise jasateko,
Goizik begizta-zazu lagun bat geroko;
Bertzenaz bakar zare, dorpe geldituko.
9
Gazteak gazteari irriz du beiratzen;
Begiz dire elgarri urrundik mintzatzen;
Amodioz delarik bihotza betetzen,
Bia ari badire su beraz erretzen,
Erre bainon ezkondu, uste dut obe den.
10
Egun neskatxa gabe, bihar etxekandre,
Ez izan ezkontzeko beldurrik batere.
Familia haundiak beti du ohore:
Jainkoak laguntzen du segurki hatere;
Zorion bat deneri dautzuet nik ere.
