Haur baten beharra
Ahamendaburu, Jakes
1
Izar azpitan desira zoroz ferekak doaz jostari
Gure leihoan ilunaz izu erresiņula koplari
Gorputz xuriez jabetu ezin itzalak daude behari
Itsas nagitik bortu gainera deus ez zain zor gauari.
2
Ene maitea izar eztia beha ezazu leihora
Ikusten duzun haurra nigarrez jin balekizu altzora
Gaur berean har dezakeguna ez dezagun utz gerora
Horregatikan astiri oroz heldu nitzaizu ondora.
3
Zure begiak dira neretzat esperantzaren kandela
Gauaz ispilu argiz iguzki fideltasun dariela
Herri Iasaia da zure loa, mundu bat zure sabela
Gaur ukan ezin biharko haurra zuregan sor dadiela.
4
Nahi ala ez elgar kondena ez ibilikan nehola
Atseginetan goza gabetzen gure gabeaz kontsola
Zaude ixilik ene maitea 'ta idukazu axola
Noiz edo noiz da ostoz gabetzen urik ez daukan arbola.
5
Uhaitz eroak itsasoratuz ematzen diren bezala
Ezinbertzean fidantzak noizbait du galtzen bere ahala
Ene tristura ez ditaikea maita ezaren seinala?
Suari ura den haur eskasak gurea hil ez dezala!
6
Soz ikus ahal urrundik dater maitamin haize gozoa
Guren hunkitik ixil-ixila maitasunaren mintzoa
Deus guti malta dezakegula ez izaitean zintzoa
Amodioa dela itzalkor nola gaualdez eltzoa.
7
Amodioa ezin bizia zonbat den gauza krudela
Beharrik nauzu luzaz aditu jean bainintzen bestela
Bihotzetikan datorrenari nehoiz urduri naizela
Elgar maitez gaur bihar bezala uros bizi gaitezela.
8
Nehor guti da zutaz bestalde nitaz mintzo dakienik
Ene olerki oroetarik zu zirela eztienik
Ai bertso hauen kantari banu haurtxo eder bat zuganik
Zer nahi denik sinets nezazu nik zaitudala maitenik.
