Sortzez garbia

Gaztelu

 Ez elurrik, ez lilirik

 zu beziñ garbirki,

 oi! Miren nerea,

 lañorik gabea

 sortzetik.

 Yatorri-kutsuge

 ar zenun izate

 aragi-barnean,

 zitori antzean

 garbirik.

 Ats-ego zuriak,

 zeruan egiñak,

 zugana baitziren

 edatu Ats-Guren

 eskutik...

 usoa iduri

 goi-bera egati

 lur-gañean bere

 oñak, loitu gabe,

 yarririk.

 Ta soiña artzean,

 bekoki-gañean

 Ats-Gurenak ao betez

 muñ zegizun senargai lez

 laztanik!

 Aopean gero

 onela zan mintzo:

 «Eder zaitut, Miren,

 ezta zugan oben

 kutsurik».