Giro berrien zai

Gaztelu

 Ikus, lagunok,

 urbil bai dugun Udaberri...

 Gazte geranok

 giro berrien ameslari...

 Yeiki, begira:

 loremiñ bai ote sagasti...

 Bai-doan errekara

 arratsez xoxoa kantari.

 Borda ezetsirik mendira

 bai-doatzin ardiak alaiki,

 ala mendian arkume-zarata

 entzun al-ote saillean ibilki...

 ­Ots bai dagin lizardian albokak:

 giro berrien aintzindari...!

 Ikus, ego betik lertxoiñak

 lerro-lerro bai datzan goialdera.

 Ala txoriak binaka yo duten.

 elkarren leyan kabi egitera...

 ¨Urbil bai ote Udaberri?

 Egunak luze, aroa epeltzen...

 Gu, beraz, giro berrien usaiki.

 Negu agureak yarduki gaitzez

 asper gaitu, bai, naiko. Yarrai beza

 subazterrean gaztañak erretzen...

 ­Gu landara: Biziak dei bezela!

 Asi gaiten argi, kolorez;

 arnas gaiten aize zabalez!

 Eder sagasti elur-yantzipean...

 ­Ederrago osto ta lorez...!

 Ikus, lagunok,

 urbil bai-dugun Udaberri.

 Gazte geranok

 giro berrien ameslari...