Afrika ortan dago Fernando

Gaztelu

 Afrika ortan dago Fernando

 maitia det nik gogotik

 tristura aundirik apenas dauka

 soldadu egonagatik

 gerrara juanda ortxen zaude zu,

 eztaukazu broman paltik,

 orra bi bertso emen zuretzat,

 ai, Gazteluren partetik.

 Zuek juanikan urtebete ta

 bi illabete badira,

 lendabiziko egin zenduan

 Logrono'raño salida;

 gero andikan Afrikaraño

 gerra zebillen tokira,

 gure Jainkuak osasun ona

 eman deizula sikira.

 Leku primerakoa dala

 aditzen degu Logroño,

 trago ederrak eiten dituzte,

 bai, or daudenak guk baño;

 egun batian esperatzen det

 irixtia orreraño,

 egun arretan bete biar degu

 ardoz lepo-leporaño.

 Konfiantzarik asko, Fernando,

 banun Saikolan zurekin,

 al dan guztiya saiatuta're

 badago naiko zer egin;

 egun batian, pena nuela,

 egin zenduen aldegin,

 onezkero zer mouz konpontzen zera

 Afrika aldeko morakin?

 Kintuak iñoiz permisuakin

 etortzen dira etxera,

 beren senide edo guraso

 maitiak bisitatzera;

 deskuiduan zu tamaña orretan

 porturatutzen bazera,

 urik gabeko sagarduaren

 paltan izango etzera.

 Aizu, Fernando, emango'izkizut

 bi edo iru abiso,

 aurten sagardo balientiak

 ere baditugu oso;

 jeneral bati eska zaiozu

 illabeteko permiso,

 eskatutzeko ez dago lotsik,

 emango dizu akaso.

 Aizu, Fernando, orra zuretzat

 jarri orrenbeste bertso,

 beste lan danak alde bat utzi

 ta ortan jardun naiz atzo;

 zugatik asko kupitzen gera

 Gaztelu eta Alpontso,

 bisitatzera juango giñake

 balin bazeunde onuntzo.