Urrikal, jauna...
Gaztelu, C.
1
Urrikal, Jauna, lanaren zamak
erhautsi jende gaixoez;
Urrikal heien begi argitsu,
larru latz, bihotz goxoez.
Har nigartzat heien izerdiak,.
Ifernutzat heien min handiak...
2
Jainkoa, heien bizi laburra,
kurutze-bide gorria.
Heien hamalau miseriekin
ema laiteke harria.
Ai bakotxa ez balitz erortzen
Akiturik hiruetan baizen!
3
Hainbertze aldiz erorieri
heda eztiki eskua.
Bide-buruan, ausik bezate
zeruko ogi beroa.
Mundu huntan sasitik dilingo
Jan dituzte fruitu kirets frango.
4
Deneri hitz hau erran zozute:
ŤAnai, maite zintudan!
Hemen enekin zaude betikotz,
Irri on bat ezpainetan.
Hemen kantuz ari da izarra,
Ez da histen lore bat bakarra...