Ethorkizunari buruz
Gazte Multxo Batek
1
Zoin eder primaderan hosto eta lore:
Udako fruituen seinaleak dire.
Alegranzia nasai bihotzetan ere.
Xuti gaiten gazteak! Geroa da gure!
2
Zaharren pleinu hitsak ditugu aditu:
Esperantza zaiote arras iraungitu.
Gure lur aberatsaz zertako etsitu?
Untsa ibiliz geroz, haziko baigitu...
3
Lan-modu guzietan prest gira artzeko.
Deusek ez gitu alfer egon-araziko:
Tresna berriak lagun etxekoz etxeko,
Edo auzoekilan, gira ernatuko.
4
Familia berriak etxe hutsen orde
Muntatuko direla, denak segur gaude.
Karlos-mutxurdin guti egonen debalde:
Ezteiak bazterretan prestatzen dirade.
5
Zinkulin eta pleinu beude beraz bazter!
Eskual-Herri maitea, fida zure gazter!
Denen ethorkizuna, Jainkoari esker,
Heiekin izanen da jori eta eder.