Aurrera pena

Agirre, Pedro

 1

 Nunnaitik gogor adizazkigu

 itz aldi gaitzak emanez,

 nolabaiteko gizonak berak

 gero ikusi oi danez,

 goi mallaraño bein igotzian

 langillearen kemenez,

 lenago gure bear zidanak

 aunditzen didanian ez.

 2

 Nola ezbaitan bean gaudenon

 esanik artzen aitzakoz,

 askoren ustez eskatzen dana

 arrazoi gabe dalakoz

 orrentxegatik gabiltza beti

 gora begira gorrotoz,

 ontan luzaro jarraitzen bada

 egun gorriyak badatoz.

 3

 Langilliari odol berotzen

 or dabil alper ergela,

 gaur agindutzen duen guztiya

 biyar ukatzen duela

 gedon etxian nagusitarik

 arrotzak dabiltz orrela

 eta diyote gu euzkotarrak

 atzeratuak gaudela.

 4

 Eskeintzen zaigun berdintasun au

 iñola eziñ izanik,

 onez onian ezin danian

 indarrez ez da gauza onik,

 ortaz gañera gaitzen badegu

 gedoko itxaropenik,

 zer ondorena etorri leizken

 ikaraz beidatzen det nik.

 5

 Alkar obeto maitatzen dala

 beiñ ulertuko bagiña,

 lur emankorrak landu ezkero

 baluke danontzat diña,

 aberats askok sortu lezake

 erraz lana nun egiña

 nolabait orla bukatzen dala

 dauka gun bizi eziña.

 6

 Izaera onek gure artian

 amaika kalte egindu,

 ezin liteken berdinketa bat

 zigutelako agin du,

 euskal oiturak atzerritarran

 kutsus beteta zikindu

 ¿ta zanbat ez geda erabat oyen

 esanetara amildu?

 7

 Griña makurrak menderatzendu

 gaztetan zatar eziya,

 nola ez oi dan erein bearrik

 belar txarraren aziya,

 ta kentzen bada zuzen bideko

 gauzak nork erakutziya,

 azpikoz gora jiratuarikan

 laister da ludi guztiya.

 8

 Entzun degunez gaurko asmoak

 ara zer diran lenbizi,

 geroko poz ta itxaropena

 erriyai kendu erazi,

 zer ondorenak datozen onik

 erraz liteke ikusi,

 aurrera pena au baldin bada

 obe degu atzera bizi.