Ezkontzeko kontsulta
Garmendia, P.
1
- Ezkonduak, errazue ezkonduren nizanez?
Bazterretan ikusten tut ekonduak nigarrez.
Hutsik eginen othe daut, hola-hola egonez?
- Hartzen baduk ederra,
Hura dukek alferra;
Hartzen baduk gorria,
Hura dukek ordia;
Hartzen baduk xuria,
Hura beraz eria...
- Ezkonduak, ezkondurik egon zaizte nigarrez:
Eskerrak ditut Jaunari, hola-hola egonez.
2
- Ezkonduak, errazue espos onik badenez?
Bazterretan aditzen tut doluturik auhenez.
Eskas handia duketa, hola-hola egonez?
- Hartzen baduk ferdea,
Oi zer joia trixtea!
Hartzen baduk horia,
Hilen zeraik xoria;
Hartzen baduk bel-beltza,
Adio hire bihotza.
- Ezkonduak, ezkondurik egon zaizte auhenez:
Eskerrak ditu Jaunari, hola-hola egonez.
3
- Ezkonduak, errazue kontent zaizten bai al'ez?
Bazterretan orhoit dira beren gazte denborez
Ez data miletan hobe, hola-hola egonez?
- Hartzen baduk arina,
Bertzen dukek egina;
Hartzen baduk tontoa,
Galduko duk gogoa;
Hartzen baduk abila,
Harek dikek makhila...
- Ezkonduak, ezkondurik egon zaizte mil'urtez:
Eskerrak ditut Jaunari, hola-hola egonez...