Arzai-kanta

Garita-Onandia, Balbino

 Kantaurrea.

 Guazen guztiok

 Belenera,

 Jaiyo dan Jesus

 Ikustera;

 Guazen agudo

 Agurtzera,

 Gure biyotzak

 Emotera.

 Kantaldiak.

 Poztu zaiteze, zarrak,

 Poztu bai, gazteak,

 Poztu emakumeak,

 Ta ume errubageak,

 Kendu negar tristeak,

 Bai-bere nekeak,

 Egingo diralako

 Jaunagaz bakeak.

 Guazen pozez beterik,

 Guazen Belenera,

 Aingeruen soñuak

 Zoli entzutera,

 Barri osasuntsuak

 Gogoz artutera,

 Eta gure biyotzak

 Atsegiñdutera.

 Belengo portalean

 Askachu batean

 Jaiyo da gure Jesus

 Negu gogorrean;

 Seincho guztiz Altsua

 Abere artean,

 Dago estalgi-barik

 Lastoen gañean.

 Arzaiñak mendi goitik

 Archoak arturik,

 Saltoka ta korrika

 Arinka jachirik,

 Duaz portale-pera

 Oso arriturik,

 Jaiyoadan Aurrari

 Eskiñi gurarik.

 Aingerubak zeruban

 Ta alde guztiyetan,

 Seincho jaio barriya

 Jardue karitetan,

 Barri onek entzunik

 Mendi tantaiyetan,

 Arzañak zur dabiltzaz

 Juateko adoretan.

 Guazen gure biyotzak

 Emoten Jaunari,

 Gloriya Zeruetan

 Jainko Altsuari,

 Eta emen lurrean

 Jesus laztanari,

 Berak emon dagion

 Poza gizonari.