Gastiaren otoitza

Samaiko-Zulo (Lizardi)

 Jauna, nere otoitzak,

 arren, entzun itzazu...

 Gogo neketuari

 eman, arren, gentza...

 Osertz-illuna autsita

 gaban izar bat jarri...

 Eguzki-izpiz argitu

 nere etorkizuna!

 Ongi nekiyen, Jauna,

 umetan ikesita,

 zuk dezula bakarrik

 pozkidaren giltza

 Iñoiz aztuta ibilli

 ba-naiz, azketsi, Jauna;

 gaur bai-nator, eztiya

 billatzen Zu'gana...

 Zaurituta, gaxorik,

 gasterik nekatuta,

 listor-eztiz aseta

 samiñez gogua,

 zeure eztiya nai-det

 ezti goitar-gozua,

 ludiko loriena

 ez bezelakua...

 Nere udaberriyaren

 egunik gozuenak

 ega zaizkit, usteta

 betiko nitula...

 Eta, ametsak etenda,

 zimelduta loriak,

 arkitu det gogua

 goizegi zartuta...

 Bizitzako bidia

 arantzezkua dala

 igertzen asten geran

 bide unian nago...

 Atzian.., lore etenak

 estalita bidia;

 Aurrez..., goya beltzago

 negu-gaba baño...

 Ta illunpian ¿nora da

 bidiaren txurizka?...

 Arren, zein da ta, Jauna

 non nere bidia?...

 Osertz-illuna autsita

 gaban izar bat jarri

 zazu... Ta, arren, argitu

 nere etorkizuna!...