Goraintzi

 1

 Zonbat izar baitaude

 dirdir zeru-gainetan,

 Zonbat ardi alhatzen

 belar jorienetan;

 2

 Zonbat xori hegalez

 harat-hunat ibilki,

 Hanbat-goraintzi zuri,

 Oi maitea, maiteki.

 3

 Etzituta gaurgero

 sekulan ikusiko?

 Oren etsigarria,

 hik nuk ni fundituko.

 4

 Hobe nuke hil banintz

 maiterik izan gabe;

 Hoin goibel eta triste

 orai ez nindagoke.

 5

 Ikusiko zituta

 berriz ere lurrean,

 Hameka etsimendu

 jasan-eta munduan?

 6

 Nolako gar zitalak,

 nolako itsas beltza;

 Jin zaizkidan gainera!

 Ai ene zorigaitza!

 7

 Goiz oroz erranen dut:

 «Ene izar ederra,

 ene kontsolatzera

 noiz itzuliko zira?»

 8

 Begiak zerratzean

 erranen dautzut gauaz:

 «Ene maite maitea,

 Orhoit zaite ba nitaz!»

 9

 Ez zaitut ahantziko

 hats piru bat dutano!

 ohean gorputz hil-hotz

 ez nagoen artino!

 10

 Amak haurra maiteki

 klunkatzen du sehaskan;

 Hil-herrian goxoki

 nahi bainuke etzan!