Gizon gosearen kantua
1
Sakela zilo izaki-eta
handik jali zuenean,
Luzaz atchiki zuen zabalik
bi begien aitzinean:
- Jin duk orena, dohakabea,
oren latza azkenean!
2
Buha-buhaka hasi zitzaion
aho heze kirets batez;
Pentsamendu bat izigarria
sortu baitzitzaion kolpez;
Ikara zagon gaicho gizona
chede hoi bethe beldurrez!
3
Busti du, busti, nigar punpula
norapait urtzen zelarik;
Gero torratu, ezin berotuz,
hotz ilhaun batek harturik;
Bazenetz ere ez zuen kasik
senditzen sorhaioturik.
4
Gero airean latchatu zuen
pisu zenetz jakiteko;
Negurtu ere makil batekin,
ozkak kondatuz ontsachko;
Eta bi musu erdi-erdian
malurusak eman daizko.
5
-Alo! baduket eguerdi huntan
bazkariteko janhari!
Eta gizonak pikatu zuen,
garbitu, gatza ezarri,
Suan errerik gero jan zuen,
egin baitzuen bazkari...
6
Ttipi zelarik entzun solas bat
orhoit zeraukan bihotzak;
Huna haurrean aitaren ganik
bildu bederatzi hitzak
Zahartu eta gosetzen bahiz,
hire esku bat jan ezak!