Gerezien phesta Itsasun
1
Itsasuko herrian, zer gerezi phesta!
Kanpotiar ta bertzek bazuten nun jasta!
Fruitu gorri joritik ezin erran «basta»,
Hain du handia horrek bere arrakasta.
2
Aurthen bertzenaz ere, aithortu dezagun,
Ethorri da jendea, iguzkia lagun,
Bertzetan ez bezala, izerdi ta hagun,
Ziola bere baithan: «Josta giten egun!»
3
Goizean ederra zen pilota guduka:
Erramouspe apheza, horrekin Mugica,
Larzabal herritarra, Mayte-ri oihuka,
Behatzaileak aldiz, oi esku zartaka.
4
Soka-tira delako joko indartsuak
Zenbatetan dituen ernatzen pholsuak!
Erakusten nun diren muthiko zeintsuak,
Olhassu-arrek kintzez joan aise bertsuak.
5
Aratsaldeko zeraz, zer diozu, Pelo?
Eskualdun Dantzariak ez daudela hor lo,
Bainan erne ta biphil! Zer dauziak, alo,
Ene aho mihiak ez du erran: «Malo»!
6
Dantzarien ondotik, dira artzekoak
Marcos deitzen dituzten lagun muthikoak,
Airos ta pollit dira horien jokoak,
Buru esku kolpeak, berdin ostikoak.
7
Alta jandarmek ere, chirula, ahoan,
Oto bat handik heldu, bertze batzu johan,
Usu zuten gogoa, pochi bat lanhoan.
«Berbalik» ez, etzako egunari johan.
8
Phestako aphairuak ziren botheretsu
Chanpañaren ondotik, begi bihotzak su,
Koziner, langileak, aferetan khartsu,
Deneri ziotela: «Hola da Itsasu»!
9
Herritar, kanpotiar, milesker deneri,
Helduden urthe artio! Artean ez eri!
Egin ongi ethorri Gerezi phestari,
Eta altcha bihotzak Jaun Goiko Onari!