Gau beltza hotsik gabe
1
Gau beltza hotsik gabe jausten da zerutik.
Bazterrak trichte daude eurien ondotik.
Bainan nehor ez daite ni hezain trichiterik
Aspaldi begistatu izar baten gatik.
2
Izarrek zeruetan dute distiratzen;
Begiak dauzkigute argiz llilluratzen.
Nere maitea choragarria zen.
Hura ikusiz geroz guziak ahanzten.
3
Zerutikan izarrek distiratzen dute;
Bainan gizonendako arrunt hotzik daude.
Bihotzeko berna zerk kendu diote?
Zertako gizon hauiek ditugu hain maite?
4
Nere maite pollitak aurpegi ederra:
Nere alderat aldiz zer bihotz gogorra!
Atzo egin bainion oi nire agurra,
Irriz itzuli zautan gaichtoak bizkarra...
5
-Maitea, ez dakizu zer penak ditudan!
Ez-eta zoin barnatik dolutzen zaizkidan
Huntz trichtearen pare nabil ilhunbean,
Ilhunbean bai eta dolu-kantuetan!
6
Gain hartarik Izarrek eiten dautet irri,
Hurbilagoko harek ez nu urrikari.
Madarikatzen ditut, zahar eta berri,
Zerutik itzal bite ahal bezain sarri!