Gatuaren kantuak
1
Harotz abil bat bada, plazan bardoztarra
Ihizin ibiltzeko zakur bat beharra:
Nahiz ez den oraino adinez zaharra,
Erbi baten hiltzeko da partikularra!
2
Lagunek abisatu jaun ihiztaria,
Harekin jan nahia dutela erbia:
Ase ditu eginik saltsa bat handia,
Auzotik ebatsirik gatu bat eria.
3
Gatua bethea zen, gaichoa, negalez,
Etchean zagoena eria izanez:
Guardia muntaturik hiru gau-egunez
Lanak ukan dituzte ezin atzemanez.
4
Leku famatua da Chikiten karrika;
Ihiztariek ere han dute fabrika:
Gatua han zabilan noizean behinka;
Azkenean hil dute makil-ukaldika.
5
Hil-eta eman dute dilindan krakotik,
Odola zariola beharri-zilotik:
Eta gero larrutu borta zerraturik:
Nehon ez da holako gatu-burregorik!
6
Mundu hunetan ez da bertze holakorik:
Bere abileziaz ez du urgulurik ;
Errespetatua da printzipaletarik,
Frantses, Italiano, Espaņoletarik!
7
Larrutu-ta gatua kausitu du mehe;
Eria aise baita haragirik gabe:
Ainak egin baititu trip'onarrn jabe,
Dena jan izan dute deusik utzi gabe.
8
Eltze tchar batean du urean egosi,
Gero lebrochta gisa amak saltsarazi;
Onkailua nunbaitik dutenetz erosi?
Urin kerratu batzu dituzte ikusi!
9
Janari lotu dire oro harrapaka:
Ihiztaria bera azita beteka;
Beldurrez fini zadin laguner behaka,
Gatu higuingarria jan dute ikuska.
10
Bat Kastilla, bertzea Italianua;
Hirugarrenak zuen jan erbi-burua,
Erranez kurritua zuela mundua
Nehun kausitu gabe halako gustua.
11
Eri zela bazuen hiru ilabethe;
Halere jaun horier ez du egin kalte.
Sobera pagaturik errengura dute:
Gauza ona ta merke ezin baititake.
12
Laguneri saldu du gatua erbitzat,
Halere badabila berdin gizon gisa,
Seinale bat beiratuz geroko beretzat,
Neguan berotzeko larrua chanotzat.