Euskal Herriko artixten eguneko mezan Baionan
F.M.
1
ĢIraka hori beti sortzen da ogi landaren erdian
Gaurko eliza ere munduan hortxe dago lan haundian
Buruzagiek sustengu hartu bezate goiko argian
Gezurra beti baztertuz eta finka gaitezen egian
Zeruko Aita gida gaitzatzu zuk Jesusen konpainian.
2
Gur'eskualde hunek jasaiten nahasmendu eta zauri
Populu ttiki bat gira eta horrenbeste bortizkeri
Jainko maitea, ezezta zazu hor dabilan herra hori
Ta gizonari zuzentasuna zor zaion hainbat ekarri
Jendea baita dudarik gabe bake on baten egarri.
3
Batzuk bakantzak dituzte eta hainbat sofritzen daudenak
Eritasunak ta ezindurak ekartzen dituzte penak
Familietan ere jasaiten urratzerik gogorrenak
Begien bixtan ditutzu Jauna hemengo trixtezi denak
Zure behako amultsu batez emozute gozamena.
4
Euskal-Herriko artixtek zuten gaurko meza markatzeko
Gure kulturak denbor hauetan hats berri bat du hartzeko
Jainko maitea, zure beharra hortan ere laguntzeko
Eskubide bat oinarrizkoa baitago begiratzeko
Euskara nahi dugu salbatu hobeki'elgar maitatzeko.
