Edaleak boz-amaile
Franchisteguy, J.-P.
1
Boz-emaiteko zer nahi modu
bada mundu bazterretan.
Guk ostatuan bakan-bakana
ari girade lan hortan,
Jakin beharrez zoin arnotarik
errekiarekin edan,
Edo nork paga azken turnada
xanpañarekin birundan (bis)
Eta orduan
bozkatzen dugu
aldizka,
baso huts eta
baso betheka!
2
Jar eta xuti ez gitazke ar:
zangoek nola gu ekhar?
Ahoz artzeko, mihia mothel;
ez izan tanto, ez ilhar...
Papera eskas eta ez jakin
tinta-lumarik nundik har;
Esku-altxaka ezin atrebi,
basoak atxiki behar (bis)
Eta orduan
bozkatzen dugu
aldizka,
baso huts eta
baso betheka!
3
Xuriek bada, boz-emaiteko,
edanen dute xuritik;
Gorriek aldiz hustuko dute
beren basoa gorritik;
Bierarteko biligarroek
batetik eta bertzetik;
Bainan guziek konzientziaz
zintzurraren erranetik (bis)
Eta orduan
ariko gira
aldizka,
baso huts eta
baso betheka!
4
Behar litaken majoriarik
ez balinbada jalgitzen,
Guk behin ere, segur, ez dugu
hautsi-mautsirik onhartzen.
Arno duguno, berriz ta berriz
ari girade bozkatzen:
Gauak egunduz gure lanetik
ez gira nehoiz gelditzen (bis)
Eta orduan
bozkatzen dugu
aldizka,
baso huts eta
baso betheka!
5
Ea, lagunak, bozka zazue,
ene erranei segituz,
Ene kantua zuen gostuko
egin dutanez erakuts
Kontra direnek utz dezatela
beren basoa idor-huts;
Aide zaiztanak ager ditela
baso huts bana bethatuz,
baso bethea zank hustuz...
Eta segidan
Boz-emazue
aldizka,
baso huts eta
baso betheka!