Azkaine
Fermin [Imaz, Fermin?]
1
Aspaldixkoan Azkaine huntan hain gaizki bizi ez gira
Urrats batez gu errexki goaz plaiarat edo mendira
Hoin maite dugun herri pollitak guretzat badu dirdira
Larruni dago loturik eta itsasoari begira...
2
Ta inguruan dira aurkitzen auzo batzu arias onak
Sara, Senpere, haurride goxo, Vera xokoan dagona
Donibane ta Ziburu hurbil, Urruņa ai zer laguna
Pasatzean gaur bertsu batean diozkatet zorionak!
3
Partikulazki maite ditugu gure joko euskaldunak
Azkainen dira pilotariak fama haundiz ezagunak
Lasterkariak, dantzari onak, kantarien oihartzunak,
Ardi xakurretan ere izan dira hemen xapeldunak!
4
Bainan erdarazko uhar horrek berekin dakar pozoina
Hainbat goxoki ginenak dauku erdiratzen atsegina
Euskara maite hau lora dadin mezulari naiz agira
Zer balioko luke munduak galtzen baginu arima?
5
Ez naiz halere ez frantses hori mendratzea gatik hasten
Bainan guri da bai jakitea gauz hoiek ongo berexten
Gaur-egun normal zaiku hartzea erdara ere ikasten
Bainan etxeko sendimendua euskarak du aberasten!
6
Gazte batzuek ikusten ditut erdaraz mintzo bitxiki
Euskara lantzen ez duen haurrak zer galtzen duen ez daki
Aldiz hoik biak dazkien hura erneago da biziki
Hartu dezagun bertzena bainan gurea lehen atxiki!
7
Gaurko munduan gizonak behar bereziki egon erne
Gure irrati'ta telebixtak laguntzeko dira berme
Elgarri lotu gaiten Azkaindar alaba ta berdin seme
Gerorat ere kanta dezagun Euskaraz: ĢGora Azkaineģ!
