Feria egun batez
Joan nintzan merkhatura
Ai zer fortuna!
Espalakoin erostera
Burriko baten saltzera,
Ahaha! ene plazera,
Bidean nindohalarik
Alegerarik
Uria hasi zerutik,
Barazuza hedoyetik,
Ahaha! non dut idorrik?
Larruraino trempaturik
Eta freskaturik
Ikhusi dut Ezpeleta;
Ai zer hango jendeketa!
Ahaha! nolako besta!
Abiatu naiz hautatzen
Espalakoinen;
Arratoin bat handik jauzi,
Ene astoa ihesi;
Ahana! zoinen zen bitzi!
Buruz-buru egiten dut
Murde jaun Petut;
Bilhatzen nau zor dudala,
Laster paga dezadala,
Ahaha! balitz ahala!
Erosi ditut bi antchu;
Egin dut tratu!
Hogoira urthe bazuten,
Deusik ikhusten etzuten,
Ahaha! itsu baitziren.
Lagunek irri egiten.
Eta trufatzen
Antchu hetan enganatzen,
Segur hainitz errech baitzen;
Ahaha! hortzik etzuten...
Ihes noha ostatura,
Lekhu itsura!
Hasi ziren makhilaka,
Alde orotara joka;
Ahaha! ai nik zer zafla!...
Agertu ziren jandarmek,
Bai gizon lauak!
Lothu zaizkzitan lephotik,
Eraman preso harturik,
Ahaha! magnotaturik!...
Gartzelatik atheratu,
Eta gosetu;
Eskua sakelan sartu,
Eta handik moltsa galdu...
Ahaha! banuen dolu...
Zer eginen dut, bada nik
Ez badut sosik
- Itzul begiak ilhinik
Eta hertzeak zimurrik,
Ahaha! guti kontentik!
Etchalde nindohalarik,
Tripa arinik,
Erortzen naiz ichtiera,
Ambiltzen zupu barnera:
Ahaha! ene ederra!...
Etcheratu naizenean,
Andrea borthan...
Abiatzen zait mokoka,
Hordi tchar eta banditka:
Ahaha! zer afaria!
Murde burriko ihesi,
Moltsa ebatsi,
Antchuetan enganatu,
Trufak hartu, presa sartu,
Ahaha! ez-naiz afaldu!
Uzien ditut merkhatuak
Eta feriak;
Zentzatzeko pamparriko
Eta nahi gabe asko,
Ahaha! sobera behingo!
|