Fededunaren alaitasuna
1
Berek miatuz partekatzeko balio ez duen kezka
Ainixko jende aditzen dira nun nahi zinkurinaka;
Nigarringarri dela erranez mundu huntako bidexka
Trixturaz estaltzeko ondarra bertzen alaitasun puxka.
2
Oharpen bat da egun batean gogora jautsi zaitena
Pondu horretan gizonak beza atxeman bide zuzena;
Alaitasuna bertute arin ta errex ahanzten dena
Trixtura berriz zoin barnekorra, laster hanpatzen duguna!
3
Oinaze frango agertzen zauku, hori ez dut ukatuko,
Kasu hitsetan direnek otoi hau didate barkatuko...
Bainan Jesusek eman deraukun argia dut aipatuko:
«Huna nun naizen egun guziez zuekilan aurkituko.»
4
Jesusek erran hitz baliosak ez ditzagun gaur ahantzi
Berak ez gaitu mundu hunetan batere debalde utzi,
Nola: «griñarik gabean diren zeruko xoriak bizi»,
Gure artere ixurtzen dauku amodio eta grazi.
5
Bitxikeriaz, borondatea behar izaiteko alai
Ainitzek gauze hori ez dute errexki konprenitu nai;
Boha egonez kanpotik ez da zorionik jinen orai
Bainan geronek gure baitarik sort-arazteko bada gai!
6
Entzun dut trixte daikela uros agertzea nahikundez
Bainan horrela jokatzen dena ez da zoriona galdez;
Mundu gaixo hau estalia da denetako berri txarrez
Gehiago ezin daldara'zteko bazter guziak ikarez.
7
Zeruko Aitak amodioa hedatzen dauku nasaiki
Boteretsua denaz geroz gu, zeren beldurrez egoki?
Jesusek berriz hil eta piztuz, salbaturik egiazki,
Girixtinoak, altxa burua, badago indarrik aski!
8
Uroski dira batzu agertzen beti omore onian
Atsegin haundi uzten baitute kasikan este gabian;
Paregabezko lagun hoiekin, bai goxo da konpainian
Saria berek biltzen dutela daukaten zorionian!
9
Etsenplu on bat bada hartzeko presuna airos hoitarik
Omore onak garraitzen ditu nahigabeak loturik;
Jaunaren obra pasatzen bada gizonen eskuetarik
Iratzar gaiten «eginbiderat», ez da denbora galtzerik!
10
Eginbideak dauzkan mailetan, lehena: zuzentasuna,
Bainan ondotik agertzen zeraut, delako «Alaitasuna»
Biziaren dei zoragarria nork ote bada entzuna ?
Finkatzen baitu «Jainko-semeak» daukan aberastasuna!
11
Arrenguretan itoa denak berekin dauka aski lan
Bere alderdi hoberenetik ez dezake bertzer eman
Alaitasunak partekatzerat gaitzala beti ereman
Munduak ikus dezan garela anaiak elgarrekilan!