Goresmenak Piarres Lafitte
E.L.
1
Laur hogoi urte, adin ederra, heltzen den ainitz badea?
Bide luze hol egin duenak hartze du gure ospea
Ohore zuri, Piarres Lafitte, apez eta kalonjea
Paregabea baita munduan derabilazun bidea.
2
Guarda semea, goizik umexurtx, iduriz ez bizikoia
Izaba on bat gidari duzu atera lehen sasoia
Beti osasun apur batekin: zure liburuen doia
Uroski ez da gelditzekotan geroztik zure erloia.
3
Izaba harek biarnesa zen erakatsi zerautzuna
Mintzaira hori ere zuk nehoiz ahantziko ez duzuna
Bainan zu sortzez eta izaitez etzinena euskalduna!
Apezgaietan girtoindu zaitzu euskararen maitasuna.
4
Girtoin hortarik borboildu lore, aldaska eta fruituak
Zoin euskaldunek zuk idatzian ez dauzkitzu aurkituak
Norbaitek bildu nahi balitu zuk egin lanen kontuak
Zure liburu, obra, kazetak dira ezin kondatuak.
5
Zutaz kantatzen hasiz geroztik, erran behar baitut dena
Ezin ahantzi Jaunaren apez, ororen anai zarena
Hori da maitez ekartzen duzun zure marka ixilena
Aldiz ontasun horren jabeak gordetzeko ez duena.
6
Gizon haundiak eginak dira on eta tzarrez nahaste
Adin haundiko baten itzaiak aise barka ginitzazke
Aldiz Lafitten izpirituak ainitz engana litzazke
Omorez eta idaiez dago gazteenak bezain gazte.
7
Herriarentzat ez du gizonak sekulan aski maitasun
Aiten lurrari jite eta Ian daukat ekarri diozun
Euskadiri zuk eman diozu egun, gau eta osasun
Noiz izanen da, erakaslea, zuretik kotsa gaitzazun?
8
Hitz horrekilan egin dautzugu gure eskasen aitorra
Ezinbertzean, onets dezazu gure bihotz maitekorra
Esker onekin zure eskutik harturik euskal alorra
Gogor bermatuz bete nai dugu zure alderako zorra.
9
Adixkideak ditutzu, Jauna, munduan gaindi ugari
Ni, apalena, naiz egun denen sendimenen saiatari
Otoitz kartsu hau egiten diot gogotik Jainko Jaunari
Urte ainitzez jarraik dezazun, lagun hauk oro kondari.