Andoaingo herriari esker onekin
E.L.
1
Ehun ta bi urteko atxo baten besta
Holakorik munduan beste asko ezta
ESKUALDUNA-HERRIAK hauxe errekesta!
Adin hortan hoinbeste nork dezake eska?
2
Andoaingo herriak omenak baditu
Gaur ere omen hori etzaio ttipitu
Xumea bazen ere HERRIA du leitu
Ehun ta bi urteak diozka saritu
3
Xahar ximurtu bati hola behatzea
Musu bero batekin hura berotzea
Ez da gazte batentzat desohoratzea
Baina bihotz haundi ta ona agertzea
4
Bada herri kartsurik hegoalde hortan
Gu hemen gaudelarik hotz kaskaran, lotan
Jo zazue bai hortik iparraren bortan
Lehenik anai hautan sua piztekotan
5
Lehenago haundiak ziraden nagusi
Meneko zuten hura nondikan errautsi
Andoaingk bestalde dauku erakutsi
Ez baitute anai bat ttipiegiz utzi
6
HERRIA-k saripean ez daki zer erran
Bederen bertsu onak balitzazke eman!
Goazen gudu haundi bat dezagun ereman
Zuek hor, guk hemendik, euskararen gerlan.