Akulia egar dezagun
E.H.A.S
1
Adiskidia,
Bozkak jin, bozkak joan,
GO beti ber menguan.
Paristar gobernia,
Gure Jinko berria
Baita Jinko faltsia,
Zinezko gezürtia
Usü hitzaman
Eta hitza jan!
2
Espantoak merke,
Legarrak ez hainbeste!
3
Ez, xuri ala gorri,
Ez arren fida horri,
Ez otoi sal ihuri
Ez eta ere guri
Zure libertatia!
Zütan etxek fedia.
4
Aiten erran zaharrak
Xüxen dion bezala,
Bakoitxak bohüliak
Berak ohilt ditzala.
5
Adiskidiak,
Botz zonbait halaer'emagüzie,
Zien pertika izan gitian.
Aküliaz balia zitaie,
Tzista itzatzie gibel aldian
Pe horietako idi gizen
6
Et'auherrak, ezi berak üzten
Batützie, mügako belharra
Laster daizie üstiatüko
Sorhoko bazka larrütü baiko,
7
Orotan ütziren hütsik lürra,
Eta elgia ützüli gabe.
Jaunkilloten ez izan herabe!
8
Pertika hona hartürik,
Akülia xorroxtürik,
Idi horik tzistatürik,
Lürra ontsa ützülirik,
Zerbait errekoltatüren
Düzie agian heben.
9
Ziena etxek zihauren,
Ez zaizie dolütüren.
Ber denboran alkar lagünt,
Ez aizoetarik hürrünt.
10
Ago heben, gazteria,
Eraik lantegi berria,
Gozo ezar familia,
Bizi dakigün Herria.
11
Eüskaldün baigira,
Eüskara begira.
Hure dügü amaren hizkuntza,
Zazpiak-Bàt osoaren bihotza.
12
Holaxe izan bedi,
Bihar ez bade etzi.
Arren, adiskide honak,
Zier gure zorionak.
13
Botza eman arraheinki,
Hartaz balia xorroxki.
14
Gora Euskal-Herria beti
Eta Xiberoa jagoiti.
|