[Pertsularien eguna]

E.B.

 1

 Zure pertsua hain da bero eta sarkor!

 Bihotzaren zolatik, beti sutan dator...

 Samin delarik ere, ez sekulan minkor.

 Aldude urgulutan da zutaz Chalbador.

 2

 Chalbador kartsu eta bigarrena kokin...

 Pertsu batean erle, bertzean lezafin,

 Nor ez du xistaturik? Bainan, nork duke min?

 Irria duzu maite, ez min, zuk, Mattin.

 3

 Aspaldian ikasi baitzuen jokoa,

 Nunbait gorderik dauka barnarik golkoa:

 Bainan azken lerroan heldu da pikoa.

 Axeri xaharra da gure Zubikoa!

 4

 Uztapidek ukanik, nunbait zerbait traba,

 Bertze bati diogu hedatuko haga.

 Chalbadorren errana enetzat da froga:

 Gaztetan hoberena zira Azpillaga.

 5

 Iholdiko aldea ez zitaken lokar:

 Bortzgarren bat badugu, sortzez da Heletar.

 Diote baduela talendu eta kar.

 Ongi etorri zuri Aldudek Ainciart.

 6

 Aldudek Baztanerat mendia du arte:

 Elgarrendako dute anal begitarte.

 Zer atsegina beraz, erran baitaukute,

 Seigarren koplaria dugula Nabarte.