Xapelduneri
E.A.
1
Agur adixkideak bai eta lagunak
Armendaritze hortan ibili direnak
Iholdiko herritik atera zauzkunak
Bigarren aldikotzat dira xapeldunak.
2
Adinean joan da Urgorry maitea
Pilotan da halere parerik gabea
Oxandabaratzekin hauxe da parea
Hutsak bekan dituzte, ardura kintzea.
3
Jaz Mehaine partida aurten Donamarti
Plekari onak dira ari zauzku goiti
Bainan galtzeko ere bat behar da beti
Zu oraino Iholdi luzaz zaite xuti.
4
Solasak badoatzi onak eta txarrak
Espantutan direla bi Iholdiarrak
Beira zkitzue otoi usaia xaharrak
Pilota ta kantua Eskualdun giderrak.
5
Adixkide maiteak bien ohore
Bietan xapeldunak behar da botere
Erran izan dut jada erranen gerore
Nun nahi agertzeko segurki on dire.
6
Taula gainean orai baduzue ogi
Zueri so baitira naski mila begi
Galda dezagun denek Jainkoari argi
Hola hola geroan dezazuen segi.