Xabier Amuritza-ri

E.A.

 1

 Bertsuzalea zauku hasia galdean

 Zerbaiti ohartua baita azkenean

 Pena ere badauka bihotz barrenean

 Xori bat ixildurik Bizkaia aldean.

 2

 Euskal Herrian daude xoriak nun nahi

 Bainan nork kantatzen du horrek bezain garbi?

 Gauaren ilunari emaiten du argi

 Handi ginuke poza, berriz has baladi.

 3

 Herria maitatuaz egon zen kaiolan

 Han ere egin zuen abesti eta lan

 Bihotz handikoa da, asko nahi eman

 Norat airatu zira? zatoz gurekilan.

 4

 Kantatu izan duzu zuhaitz gorenetan

 Gernikako arbolak dauzkan aldaxketan

 Askatasun amentsa beti hegaletan

 Zendako mutu zaude gu utziz penetan?

 5

 Ez zuretzat atxiki hoinbertze maitasun

 Esperantzaren berri nabi dugu entzun

 Bazinduen omore, irri ta osasun

 Kanta zaguzu egun zer gertatzen zaitzun.

 6

 Euskadi maiteari hoinbertze emanak

 Zinta ta liburutan ederki etzanak

 Aurreratu ditezen beti zure lanak

 Daukazun bihotzari xertatu ezpainak.

 7

 Ixilik dagoena zail da ulertzea

 Xori handiak kalte ahul den haizea

 Ez daukagu berririk, zer ezinbertzea!

 Laburra izan bedi zure ixiltzea.

 8

 Ni bezala ainitzak galde eta galde

 Maite dugun xoriaz trixtatuak gaude

 Gure kezka samina hartu zure aide

 Zer daike xapelketa Amuritza gabe?