Orroitzapenen bidetik
E.A.
1
Oi Kattalin Larralde, lehengo auzoa
Zure joaiteak daut ilundu gogoa
Agertuz zutaz nuen maitasun sanoa
Senditzen dutanaren salatzerat noa.
2
Ohe xuri batean trixteki etzanik
Donapaleun ikusi zintudan azkenik
Ordukotz koloreak histuak izanik
Holakorik bazela ez nuen uste nik.
3
Zonbait solas ibili nintuen zurekin
Lehengo omore on sano berarekin
Geroztik Jainko Jaunak laster deia egin
Nik jakin gabe zaitu ereman berekin.
4
Uste gaberik hola utzi baigaitzu
Ene otoitz xume hau, atatlin, har zazu
Deusik ez eskaintza ez litaike haizu
Zuk eni egin eta hoinbertze zerbitzu.
5
Eskolatik kanpoko denbora luzean
Zonbait oren egon naiz ni zure etxean
Orroitzapena frango dauzkat bihotzean
Ezin ahantzizkoak neure bizitzean.
6
Beti lanean zinen, ez baitzinen lotsa
Izan zadien bero edo berdin hotza
Jitean ezagun bat, jitean arrotza
Denendako zabalik zinduen bihotza.
7
Zerua dukezula biziaren sari
Otoizka galdatzen dut gure Jainkoari
Beha dezala ere oi Larraldeari
Kuraia eman dezon zure lagunari.
8
Hor zaude, Jan Pierra, oral nigarretan
Biziari lotua bakartasun hortan
Kontsolamendu hartuz orroitzapenetan
Esperantzarik ez gal egun latz hauietan.
9
Mitiņako herriaz berriz naiz orroitzen
Bide hertsi beretan ginela ibiltzen
Kattalinen joaiteak baigaitu trixtatzen
Lagundu nahi zaitut nigarren xukatzen.
10
Egun zuri, Kattalin, urrundanik naiz so
Nahiz ene bihotza ez den arras oso
Agian egun batez zoin litaken gozo
Elgarrekin zeruan berriz eer auto.