Azken gogoetak
E.A.
1
Bakea lagun hartuz, bi botzetan kantari
Azken agur batean, loan den urteari
Iraganak dagotzi, hoinbereteze gertakari
So eginez lehenik, sort herri maiteari
Dauzkat bi gogoeta, jitean Eguberri.
2
Jesus pobre sortu zen, guziek badakite
Ostatutan tokirik, harentzat ez zen bate
Betidanik nik ere, pobreak ditut malte
Handi mandiak aldiz, elgarrekin aparte
Hobenik gabeari, egin nahian kalte.
3
Ikusi dut denboran, batasun bat gozoa
Lagun zen herritarra, anai aldiz auzoa
Herria bi partetan, lehen zena osoa
Noiz etorriko zauku, bakeaeren urtzoa
Libratuko duena, kondenatu gaizoa.
4
Iholdin da «Lacroix», izenez kurutzea
Aspaldian du zinez, horren karreatzea
Hortzez eta haginez, gaiten denak entsea
Eguberri on baten, horrentzat ekartzea
Nigarrek noizbait ukan, dezaten xukatzea.
5
Abendoaren hogoi eta bederatzian
Gai hortaz besta baten, muntatzerat abian
Borondate oneko, jende ainitz agian
Eiherazainak duzke, eihera sahetsian
Doluz ez daike egon, han egin itzulian.
6
Etxean bizitzeaz, familia bat galdez
Nahiago zonbaitek, hordik igorri ihes
Kasu berean zagon, zoin aspaldi Herodes
Jesus haur ttipiñoa, betikotz hil beharrez
Ez daikea jendea kanbia hogoi mendez?
7
Eguberrirekilan, heldu kofesioak
Mia gure bihotzak, mia gure gogoak
Bisita egitean, ostian den Jainkoak
Hatxeman baigitu, garen bezalakoak
Argi kontzientzian, Hun diren xokoak.
8
Gauza guti girela, batzu ala bertzeak
Zer balioa ote, du horren ahanzteak
Goxotasun baduke, zuzena den bakeak
Horren hedatzaile ta, justiziaz goseak
Ezar gaitzala denak, heldu zaukun urteak.