Arrossagaray-i
E.A.
1
Gogoa nik lorietan, gaur hasterat noa kantan
Zer berri dagon pasatzen ote Garaziko xoko hortan
Zonbait bertsuñoz eman nezazke gure «Herria» kasetan.
2
Aintzilako senne dena, Arrossagaray laguna,
Erran dautazu ez ote nintzan ni Xalbador bigarrena!
Badut beldurra zuhaur zirela jaurt haundi horren berdina...
3
Lagun guzien laudatzen plazerrez zaitut ikusten
Zure burua bakar bakarrik ez ote duzu ahanzten
Erran nezake denen artetik hoberena da berexten.
4
On ala txar izaitea, hau hori baino hobea
Giren guziak elgarrekilan goitezen beti entsea
Begiratzeko bertsularitza eta eskuara maitea.
5
Bertsuetan gu girena, beti griñetan oraino
Ez ditugula gure ustean aski eder eta sano
Nekez ta ontsa hobe da segur aise eta gaizki baino.
6
Bere neke eta penak, ditu bertsulari lanak
Gure bidea segi dezala zeruko Jainko Jaun onak
Ta esperantzan bizi zaitezte bertsuetako lagunak.
