Aitatxi ta amatxiri
E.A.
1
Mundu huntan den biziak maiz kanbio ditu gaiak
Gauza batzu gure lagun ta bertze ainitz etsaiak
Halarik ere sortzen dirade egun batzu zoin alaiak
Hetarik bat, ditugularik etxen urrezko ezteiak.
2
Gertakari hoin ederra kantuz nahi nuke hasi
Maite dituztanak dira nere bihotzean bizi
Mende erdi bat elgarrekilan Jainkoak emanik grazi
Goresmenak derauzkitzuet, aitatxi eta amatxi.
3
Zuen bien ezkontzak izan du segur podore
Guziz merezi zinduten gaur ukaitea ohore
Maleruski zonbat ezkondu mundutik joanak ez dire
Zuek aldiz, gazteak diren esposņo batzuen pare.
4
Segur izan ditutzue egun bero eta hotzak
Batzuetan zoin azkarrak bertze batzuetan lotsak
Bainan amodioz baitziren beetak zuen bihotzak
Sendo izan dirade beti zuen arteko ez ontsak.
5
Ez zarezte, aberatsak, bainan zer zuzentasuna
Zer fedea duzuen ta harekin zer maitasuna!
Zuen bizia etsenplu bat da, Jauna, zuk eman duzuna
Maitatzea betikotz elgar da zinezko ontasuna.
6
Familia ederņo bat duzue ongi altxatu
Amodiozko arbolak eman behar baitu fruitu
Hortakotz ere zordun noiz eta eskerrak behar bihurtu
Zuek gabe ez bainezaken, gaur nehola egin kantu.
7
Asko jende, xahartzean, dagotzi arras trixterik
Beren buruak ikusiz soberakin ta bakarrik
Mundu huntarat jitea bada bainan ez da joaiterik
Girixtino dagonarentzat sekulan ez da hiltzerik.
8
Sendi diren gauzak oro ez ditazke erran hitzez
Zer ezteiak, urrezkoak, ez gaiten hasi nigarrez
Goazen luzaz elgarrekin biziz aisa edo nekez
Aitatxi ta amatxi biak maite zaituztet bihotzez.