Eske ibiltzaleen kantua
E.,J.-L.
1
Harturik hamabi zaldi
Espainiako mugan,
Zaharren moda segituz
ihaute sasoin huntan,
Ibiliko gira orai
karrika itzulian:
Eman-go duenak eman
dezagula gustian!
2
Lehen bortan jo eta jo,
horra ba, azkenean,
Neska bat jiten zaikula,
pertsu hauk aditzean:
«Chingar eta arroltzeak
guretzat berechtean,
Etzite tronpa nombrean
edo kalitatean!»
3
Orai geldituko gira
Batichtaren etchean.
Zaku hau zaitzu ttipisko
iduritzen osoan?
Agian betheko dugu
athe huntan berean!
«Zure gatik joanen gira
hain segur jin maneran!»
4
Bordachuriko jendeak
zerbaiten espérantzan,
Jin gira aste guzia
barur pastu ondoan,
Bai eta herriko urde
guziak hil ondoan:
Gorriz ez bad'ere zuriz,
gu aseko atsean!
5
Agur, zuri, eiherazain
eta nausi haundia!
Aise hazten omen duzu
zure kabaleria!
Beraz merke dituzketzu
oilo eta urdea;
Bertze alde urez bizi,
ea hunat arnoa!
6
Ama, bertz'orduz zuretzat
atchiki pusketarik
Ezar-zkitzu zareño hauk
denak bethe-betherik.
Entzun dukezu erraiten:
«Gose denaren ganik
Nehun ere; nehoiz ere
ez daikela lan onik!
7
Ihaute goizalde huntan,
agur, Jaun erretora!
Oilasko onenak hemen
erretzen omen dira!
Karitate sainduena
hemen baita segura,
Emazu ausarki, bihar
garizuman baigira!
8
Etcherik urrunenerat
orai gira ethorri:
Oraino bada zakuen
bethetzeko zer kari!
Guarda maitea, iguzu
haraindiko edari!
Gu ez gira behin ere
izanen salatari!
9
Milesker eta ohore
emaile guzieri,
Eta bortz sabeleko min
zeken itsusieri.
Pertsu tchar hauk aditzea
oi, ez gaitzi nehori!
Barkamendu errozute
ene partez deneri.
10
Orai andre ostalertsa,
aphezak predikuan,
Errait baitu garizuman
behar dela guti jan.
Zure aphairu batekin
pastuko da gustian:
Ez da deuseren eskasik
ostatu mahain huntan.
|