Panpilli-ri

Ezponda, Txomin

 1

 Alegera izaiteko ere baitira orenak

 Nik ere pertsu kantatzen pasatzen ditut onenak

 Gaur kentatzen dutan sujetak merezi ditu omenak

 Panpilliri igortzen ditut nere agur beroenak.

 2

 Agur Panpilli maitea, bihotz erditik goraintzi

 Horren bertze laudorio nik ez bainuen merezi

 Zuretzat dutan adixkidantza ni baitan azkar da bizi

 Zu bezalako gizon goxo bat ézin'ditaike ahantzi.

 3

 Dakitanaz bizi zira zu Lapurdiko altzoan

 Bainan etzaitut ikusi iragan aspaldiskoan

 Halere nik zure izena ardura daukat gogoan

 Gure mintzaira maitearentzat izar bat zirelakoan.,

 4

 Jainkoak daki zuk zonbat pertsu moldatu gaitutzun,

 Herriaz eta hertarrez baitutzu ainitz maitasun

 Nahiz zure ahotik ez dut nik pertsu ainitzik entzun

 Bainan badakit izkiriatuz zer balioa daukazun.

 5

 Zuk diozu duela bortz urte nintzela agertu

 Hamar gehiago badira nahi zaitut abertitu

 Naihago nuke urte batzuek ahanzten ahal banitu

 Bainan denborak ohart gabetan bereganatzen ai gaitu.

 6

 Gauza batzu baidirade kasik ezin sinetsiak

 Hamabortz urte pasatzen ez baititut ikusiak

 Hastapeneko lehen urratsak nik ez ditut ahantziak

 Hemen eskertu nahi nintuzke lagundu nauten guziak.

 7

 Kantatzetik izilduak Ainciart eta Zubikoa

 Mattin eta Xanpunekin kantatzen dugu gaurkoa

 Uste gabean galdu ginuen gure Xalbador gaizoa

 Sekulan ez da berdinduko harek in duen ziloa

 8

 Jainkoari esker onak atera dira gazteak

 Batzuek bertzeak bezain dohain ederrez beteak

 Nori ez du plazer eginen gauza horren ikusteak

 Arbola batzu eihartu gabe fruituekilan bertzeak:

 9

 Hazi ederrak baziren noizbait norbaitek erainak

 Sortu ordUlo hartuak pertsutarako dohainak

 Irri goxo batekin daude gaur euskaldunen ezpainak

 Xaharrak ixiltzen direneko badirelakotz ordainak.

 10

 Panpilli zutaz oroituz pertsu saio hau izan da

 Aspergarri gerta daike luzegia baldinbada

 Eskaintzeko baliatzen dut egun daukatan parada

 Seme batek bere aitari in dezaken besarkada.