Urtcho gurea
Ezkurra
1
Goizik haikatu-eta ernatzen bazira,
Zoazi mndi-gainerat eta hor begira
Nundik itzuliko den hegalez herrira
Urtcho churi goikoa, kantuz beharrira.
2
Horra! «Urtcho churia, gain horietarik
Bazter orori beha, zer nahi badakik.
Gure Eskual-herriak othe dik lanjerrik?
Othoi! Ikusten duka hedoi itsusirik?»
3
- «Adichkide maitea, zaude deskantsuan!
Goratik behatu-ta deus ez da munduan.
Mendi-zelaiak dira, zoin bere lekuan,
Elgarren iduriko agertzen orduan!
4
«Hedoiak ekartzen du bethi iguzkia.
Iguzkiak bcrekin munduko argia.
Argia hor delarik, nun duzu fedia
Kantatzen ez baduzu zure Aberria?
5
«Hedoia iguzkiak iretsi ondoan,
Bazterrak eder dira gure Eskualdean.
Horra orai argia: balia, denean...
Berma zure lanari, ez lokhar bidean!
6
- «Urtcho nere maitea, eskerrak Jaunari:
Hegalak josten zazkok nahi duenari...
Uko eginen diot etsimenduari,
Aberria ikusiz irriz zeruari!»