Mozkorra
Ezkurra
1
Basoaren barnian
Itho dut Geroa:
Hiltzea garhaiturik,
Lasterka badoa.
Leher egina duke,
Zabalik ahoa!
Orai gozatuko naiz:
Tripan dut arnoa!
2
Itzulian gizonak,
Iduriz erliak,
Burrunban gehienak,
Begote zoroak:
Bizi dira munduan,
Zoin bere hautuak:
Ni bizi naiz arnoan,
Johan nau gozoak.
3
Begiak kurutzean,
Gogoz ilhunpean,
Basoa ichuria
Neri so doblean!
Mundua akhabo da
Ene aintzinean:
Ez nago mundu huntan
Ez eta bertzean.
4
Lanbroa loditua,
Begiak aphalik,
Burua besoetan,
Kokotsa makhurrik,
Korrokan harigia
Hasia duk berik!
Zerri gizenak ez dik
Nik bezelakorik.
5
Gero ez naiz orhoitzen
Zilo batez baizik:
Amets eta korroka,
Ez dut entzun deusik;
Xotin nahasi batez
Orai atzarturik,
Mundurat itzuli naiz
Zangoak galdurik!
6
Horra berriz geroa
Nere aitzinean:
Herioa keinuka
Sothoko zokoan;
Ez ahal da arnoa
Helduden urthean
Xar izanez aroa
Agortzera johan!
|