Herraz-herra
Ezkurra
1
Herrak badu ohantze basa-erreketan:
Landatu du bandera gure bihotzetan.
Haurrak berexi ditu zoko guzietan;
Ohantze egina du Eskual-herrietan.
2
Herra agerian da ezpain ederretan:
Miņatera apal du jauregi barnetan;
Denen zerbitzari da ttipien onetan...
Ttipiak ixil dira, gerla bizkarretan.
3
Herrak badu mehatxu gazten ahoetan;
Herrak indarra badu zahar-bihotzetan.
Herra laguntzaile da buruzko lanetan.
Dorrez-dorre dabila ilhun-zeinuetan.
4
Herraz egin othoitza dugu beroena.
Herrazko denbora da oren gozoena.
Debru sar balakio hezurretan barna,
Lo on bat egiteko, eginik lan ona!
5
Herra xut kurritzen da iratze mailetan;
Etxeak husten ditu patar zelaietan.
Larruhastuak gaitu gure izaitetan.
Leher eginen dugu herrazko lanetan.
