Haizakor
Ezkurra
1
Askotan gertatu zait uste ez nuena.
Ardurago egin dut nahi ez dutana.
Haizeak banerabil hurratuz arima;
Ustez izarra nuen leihorra dut ama.
2
Zergatik beharko zait gorputza jabetu,
Bihotzaren kontralat oraino obratu?
Zer balio du beraz hoinbertze espantu?
Ostiko gizonari egizok orai thu!
3
Amodiotan berdin, hiltzean guk uste,
Gure izar ederra erixka den arte:
Maitea minez, bainan guk bethi bizitze:
Hiltzeko gutizia elhe eta haize!
4
Hiltze ala bizitze, biak neke dira,
Guziz herioaren haiduru bazira.
Bizi nahi delarik, heldu da hiltzea.
Hortan ere nahiak iduri haizea.
5
Ez dut nik probetxurik hortarik jo behar.
Nahi badut zahartu, goazen denak onhar!
Urgulurik ez banu, zelhai eta mankar!
Biziaren mendia nuke lagun bakar!