Goazin etxerat
Ezkurra
1
Urrutian izanik, noa sor-lekurat,
Bihotza ixuria denen maitatzerat.
Nor-nahi nintzan urrun... Zergatik mundurat
Johan gira gizonak ezin-bizitzerat?
2
Urrutia beltza da, gogoa etxean:
Aise doa nigarra, zure orhoitean.
Besoz tinkatu zaitut nere ametsean.
Iratzar-eta mina nuen bihotzean!
3
Usu mintzatu zira niri urratian.
Beharria zinion: «Hel lasterrian!
Arima hoztuko zait zure eskasian!»
Oihuz aditu zaitut etxeko bidian.
4
Xoratua bidian, ahoan lorea:
Airez-aire sendi dut etxiaren gosea.
Zen berrian biek eginik parea
Kantuz ithoko dugu urrutiz asea.
5
Neska ederra zira, oi lehen gauean:
Musu eta pereka daukazu abian.
Amestu dut frangotan, berriz ethortzean,
Amodioz hiltzea zure teila pean.
6
Zatozte bai, lagunak, pesta egiterat
Arno berri huntarik alegeratzerat.
Espos berritan nago guzien alderat.
Zerurat heldua naiz: zatozte etxerat!