Eta gero?
Ezkurra
1
Gogoetak eginik lerroka ditzagun!
Munduan bizitzeak lanak dauzku egun.
Izana gatik arrotz, hurbil edo urrun,
Argitan dira denak, eta gu hain ilhun!
2
Guziak gure eskuz eginak balire,
Pentzetako loreak denak deskolore,
Herra amodiuari jar laiteke pare.
Hor bizitzea baino hobe da batere.
3
Leizeak tapaturik zer dira mendiak?
Gezur guziak kenduz nun dira egiak?
Lerro indartsu guti ene alegiak
Uzta bakarrik dauka ona den bihiak.
4
Nor laiteke ohoina, diruaz ase-ta?
Buhamia, piltzarrak soinetik jalgi-ta?
Zer da aintzindaria buluzgorritu-ta?
Haga kendu orduko, adio lasto-meta.
5
Mundua zer laiteke gizonikan gabe?
Haitzak gereziari Ğdenetaz ni jabeğ!
Behien zuhurtziaz astoak errege.
Izar begi churiak zerutik ahalge.
6
Behin gerla eginik bakean jartzeko,
Bigarrena pairatu libro egoiteko.
Egizak egungoa arrazarendako
Astian lau ortzirale baten ordaintzeko.
7
Zer laiteke denbora baginu aizina?
Legeari dagonak dauka segurrena.
Bihotzak galtzen badu bere goitasuna
Berant bilatzen dugu nork duen egina!
