Ekartze

Ezkurra

 1

 Hedoi xuri bat airean

 Urdinez bezti zeruan...

 Jin zira nik beharrean

 Aire bat asmuz goguan,

 Hegaztin zalhu artean,

 Kantu goxo ostatuan,

 Primadera bihntzean,

 Supazter xoko neguan,

 Lagun arte aratsean,

 Gerla ondoko gauean

 Sendimenduak bakean,

 Ilargi-xuri beltzean,

 Izaite bakar gabean,

 Oiharzun berri mundian

 Soinu guzien erdian,

 Inguru erdi, hegian;

 Ur hotx garbia lohian,

 Hitz goxo bat pasatzian,

 Begiak eder parrian;

 Oren xahar arloiean,

 Denbora galdu denean;

 Mugaz zabala goizean

 Mugarik ez aratsean;

 Lore xuri baratzean,

 Uda berri elhurrean,

 Irri-karkail nigarrean 

 Anai eder mirailean,

 Laster ilun zu gabian,

 Esperantzakor abian,

 Bela buhari untzian,

 Lagandu nauzu bidean:

 hor zira nik beharrean.

 Esperantza dut fedean!