Elgoirbarko elizachoak
Ecenarro, Santiago
1
Orra bost Eleizacho
gastelu moduan,
nun dauzkan Elgoibarrek
bere inguruan;
erria ondo dago
oien anparuan,
bere Eliz nausian
daukala barruan.
2
Nola mendian diran
ikusten ardiak
ala Eleizachoak
churi ta garbiak
kanpotik eder
barrutik argiak,
begiratzez eztira
aspertzen begiak.
3
Zazpi oraiņ badaude
bestebat lenago,
antziņako denboran
izan zala nago;
baņa nola denbora
asko dan irago,
estakit besterikan
izan dan geiago.
4
Pedro Santuarena
dago goienian,
mendi batek daukala
beraren gaņian;
iru aldare ditu
bere barrenian,
lagun asko biltzen da
bere egunian.
5
Zelai ta pagadi
ederrak aurrian,
udan egon diteke
itzalpe ederrian:
eztago errian
dirudi Paradisu
berri bat lurrian,
6
Migel Santu Zeruan
goi-aingeru dana,
au ere degu mendi
goian dagoana
baserritarrak egin
zuten gogoz lana,
berak egin diote
Elizacho dana.
7
Eleizacho polita
chukun ta garbia,
dirudiela izar
eder ta argia:
egitean ishuri
duten izerdia,
sariatzeko dauka
Jainkoak gordia.
8
Lorenzo Santuari
jasoa -bestia,
Ąai zein atzegiņa dan
bera ikustia!
Aiņ chukun eta garbi
dago an guztia,
nun eztuan merezi
ishillik uztia.
9
Jende orren arreta
da arrigarria,
ezkill talluntz Aldare
baitare torria:
len zarra zan guzia
orain da berria,
Eliz nagusi baten
antzera jarria.
10
Erroke Santuari
dago donkitua,
lenago zerbait zartu
eta gorritua:
Sastiņ Urihetan Jaun
onak berritua,
Eleizacho orrek gaur
badu meritua.
11
Antolin Santuak da
Eleizacho ona,
eta da Arriako
auzoan dagona;
Iraillaren biyan du
beraren eguna
Aldasoro jauna du
bere Zezejauna.
12
Bost oietatikan lau
daudela goietan,
beste bi erriaren
sarrera bietan;
argiro ikusten da
ishpillu oietan,
Elgoibarren fedea
geienbat jaietan.
13
Bi Eleizacho oien
artean lenena.
beraren izenez da
deitzen Madalena:
gaishotegia bere
albuan duena,
erri guzian diran
pobre gaishoena.
14
Bigarrena or dago
plazatik urrian,
Markiņatik sarreran
zubi-muturrian;
len zanetik aldatu
ta leku berrian
Salbadore deitzen
diote errian.
15
Lenbiziko irurak
urruti orritik,
Meza jaiero dute
arrazoi argatik;
zarrenak aurretik,
Fede biziz begira
Zerura lurretik
16
Apaiz Jaun oi diranak
oietara joaten,
doble mezatan
sermoiak egiten;
baitare Skramentu
Santuak ematen,
Jainkoak daki zenbat
lan egiten duten.
17
Urtean beiņ dituzte
beren pestegunak,
Eliz-ekersi eder
Meza sermoidunak;
eta kanpuan gaitu
alaitzen thunthunak,
orra Euskalerriko
oitura kuthunak,
18
Gazte, diruditenak
lore berezkoak,
edertu dituanak
goizeko intz preskoak,
ateratzen dituzte
alai aurreskoak;
jolas guziak dira
an euskerazkoak.
19
Eleizacho bat kale
batian izarla,
kale ark oraindikan
du bere izena;
Gurutze bat dago, ta
da zarren esana,
ona Ana Santaren
Eleizacho zana.
20
Luzeta gogoitagarri
ez nuke nai izan,
orrela izatekotz
asiko ez nintzan:
Eleizacho en berri
askok jakin dezan,
orra nik al bezela
dakidana esan.
|