Retegi Inazio, Somorrostro'ko arazoan iztarra galdu zuen jaun gurgarria'ri
Euskaltzale bat
1
Gezurra dek bai arkitutzia
ez bada Elizapean
itxu gaxorik mutill bat dula
barraren aldamenean;
ia galde orrei gogoz irtentzan
lengo guda gogorrean
Beltzkeri gaitza erein etzediñ
Euskal-erriko lurrean...
limosnatxo bat gaur dula eskatzen
Jaungoikoaren izenean.
2
Esan da egin galdetu nion
ibilli altzan gerratean
bai eta laister bere aotik
entzuntzan bizi berean...
Txakurtxulo'kin Gipuzkoa'ko
Irugarren batalloyan.
Fuero maiteak oso galtzera
zetozen ayen kaltean...
gaur, limosna bat eskatu arren
Jainkoaren izenean.
3
Aitonatxo onek gerrate artako
arazo guzik batean
daduzka ondo arturik benaz
buru argi ta betean...
nola ekin zuten Abarzuza ta
Somorrostro'ko gañean
karlistak zintzo Elizan, alde
beren eskeintza ederrean...
limosina eskatuz, gaur, artako bat
Jainkoaren izenean
4
Naiz gelditua izan itxuba
zauritua azkenean,
ez dezaiozu esan berari
dagon damutasunean;
jartzen dalako miña artuaz
orlako enbat aditzean,
bidezko Errege'n gudari gizon
trebetsu Auzi onean...
limosnatxo eske, gaur naiz arkitu
Jainkoaren izenean.
5
Etsai maltzurra kalte egitera
errira datorrenean,
beti da irtengo seme zintzoa
ainbat laister laisterrean;
saiatutzera goi-iritsiyak
geldi ez ditezen oiñpean...
asmo ori izan zan itxu zar onen
ibillitako nekean...
keskik gabe gaur, limosna eskatuz
Jainkoaren izenean.
6
Poz artzekoa alda ikustea
iruditako pakean,
lerden itxura gañetik eta
arra-joa biotzean...
obeagoa da neretzako
elbarri izan gorputzean,
dagon bezela aita itxuba
ibilliya gerratean...
fedetsu beti, limosnatxo eske
Jainkoaren izenean
7
Zarronzalea dala esateko
aitona dago pozean,
abestutzeko noiz-nai ta ederki
"INAZIO" indarrean...
zuten bezela txapelzuritar
guda mutil zegonean,
sarrera enbat egiñ bañan len
bilduaz denak batean...
ura gogoraz, limosna eske gaur
Jainkoaren izenean.
8
Oraindiokan aitona itxubak
bular sendoen gañean,
dabilki bere Jesus'en Biotz
amak emana etxean
laztandurikan malkoz buztiaz
mendira irten zanean,
matxiñadari aurka egitera
aurresko zarren bideari...
sinismen artaz, limosna eske gaur
Jainkoaren izenean.
9
Arinkerizko bizitza labur
galbidegarri aurrean
bizkarra emanaz orgo atsegiñai
aitona dago lenean...
ikasbide onak sarturik oso
illobatxoarenan,
itxaropenaz bete-beterik
goiko Ortze sabalean...
bitarte ortan, limosnatxo eske
Jainkoaren izenean.
