Laguntzaileari
Euskaldun adixkidea
1
Gure atsegabetan, aldean duguna
Izan dadin arrotza, ala ezaguna
Ipartar, hegoarra edo euskalduna
Deitzen ahal dugu hau da gure laguna.
2
Zure nahigabeez bat bada, alaitzen
Ez du bere bizia aise karreatzen
Ikas otoi holakoz zuhau urrikaltzen
Min gaixtoak baituke aztaparkastatzen.
3
Zure onak badio kopeta zimurtu
Ez duzu ez hortako behar zuk samurtu
Dohakabea bada bekaizgoz ukurtu
Jelosiak dioke pairamen bihurtu.
4
Jakinez zu zarela bozkarioetan
Gure bihotza ere da atseginetan
Gizakume batek zer eskas du lur huntan
Sinestez adixkide duela onetan.
5
Euskalduner zuk asko laguntza ekarri
Ixilka, ez baitzira ohore egarri
Zor dautzugulakotz guk zerbait ikusgarri
Pertsu hok, izkirioz ditugu ezarri
Baimena galdaturik Gaineko Jaunari
Eskaintzekotan zuri, zanpier irisarry.
6
Hiruetan hogoi ta hamalau urtian
Amerika itzalgi deitu urrutian
Ordu berean eman gintuen argian
Reno Euskaldunena den idaztegian.