Maite-ikarea
Aguerre, Jose
Maite-Ikareak
lenbizian
koxk-egin zidan
bijotzian
Ta koxk onekin asirik,
maite-girina badut nik:
ur-iturriyen antzera,
maite-iturriyak berera.
Legarrez legar jauziz urrutak
ibai-bearrez ametsa;
ara berean maite-iturriya
andi-bidean jarri da.
Lur-errayetan xirripak frango,
frango nasai ta ugariyak;
maite-sabietan kezka gutiago
ez du, ez noski, maitariyak.
Ur guziyeri axol-axolik
aterabide eman bear da:
ateka gaixtoan gerta diteke
barnean urak itota.
Koxk ura
tirrinta
oarkabez
egin da.
Tirrintak gogo min
piztu du hisiya:
gogoak du sumin
bai leya.
Ta leyak du egin
oi! Su tzar aundija.
Maitari-miņak edaturikan
iroņen baitan eskumen,
unat helduak tanto tipiak
urandi gaitzak izaten.
Nai ba'zenuke berartakoan
biyotz-indarra mugatu,
ala litzake nola itxasoko
urak tentun motz giltzatu.