Ama
Dirauket
Ama, nun zagoz? Gure Eleiz Ama...
Ama, non zagoz? Entzun euskaldun
baten negarra. Zum semea
zure irrikaz bai dabil, itun.
-"Super hanc petram..." Ta arri-azpian
-Euskal-erria, il-agiņean.
Usque in aeternum biziko dira
Eleiza, arria... ta gu azpian?
-"Artegi baten bear ditut Nik
ardi guztiak. Ortik kanpora
ilgo zarie gosez, leizean".
Otsoa dator gure gaiņera...
Artzaiņak iges... Goiko Jaun ona!
Artaldetik at larratzen nozu
ala, artzain barik, morroi zitala
gure gidari ezarri dozu?
Ene Jaungoiko: siņesten zaitut.
Jauna, begira nere ituna.
Zure graziaz gorde nagizu
beti fededun... ta euskalduna.