Eguberri amesak

Erratzu

     (Mendi-gaña elurrez zuri-zuri dago

     kale-zokoan elur-maluta asi da.

     Sukaldean auzoko atso guztiak jokorako

     batu dira. Amak bere aur-matazatxoa

     amesetan utzi du).

 Elur zuria mara-mara mendi goyan

 Elur zuria mara-mara gau guzian.

 San Jose'k estalpetxo bat nai luke:

 Andre Maria berekin doa atez-ate.

 —"Etxe onetan txokorik bai al dezute?"

 —"Toki guziak bete zaizkigu: zoazte".

 Jose Santuak bere biotza, erdi bi:

 Andre Maria'k begi biak malko-iturri.

 Senar-emazte santuak mendi-aldera:

 Aingeru onak arrituta aien begira.

 Mendi-aldean aitzulo zar-irrikia:

 Jainkoarentzat ¡ze nolako jauregia!

 Askatxo bat du Jesus'ek bere seaska:

 Asto ta idia, aldemenean arnaska.

 ..........................................................

 Elur zuria mara-mara mendi goian

 Elur zuria mara-mara gau guzian.

 Ta Jesus onak seaskatzat arri otza

 Oge bigunen zale geranok ¡au lotsa!