Nun dira ene lagunak
Etxamendi, E.
LELOA
Nun dira ene lagunak
Mutil azkar eta alegrinak
Hutsik dirade alor-oihanak
Hutsik ere andre alargunak.
KOBLAK
1
Nun dira ene lagunak
Enekin ziradianak
Norat iruanak
Derauztate heiek denak
Batzu ihes dabiltzanak
Bas'ihizien berdinak
Besteak lurpian dituzte etzanak.
2
Ekia han Goizerritik
Mikeleako menditik
Oihan ondotik
Agertzen zitzaikularik
Baratzian gu ernerik
Bihotza bozkariorik
Lanari jokatzen ginen atseginik
3
Ekaitzak hor zirenian
Eskua elgarri eman
Dugu askotan
Gure lanaren onetan
Ginduelakotz gogotan
Ari ginela holetan
Iraultza egiten Eskual-Herrietan.
4
Etsaia zauku bernatzen
Bere lege zikinaren
Guri botatzen
Nola bere pean gauzken
Gure zauriez jostatzen
Gure nigarrez irriten
Laket du madarikatuak aritzen.
5
Ahoan elhe zuria
Barnian faltsukeria
Ustelkeria
Betiko debrukeria
Bainan hor egun berria
Heldu zaio lazgarria
Hasarrez mundua duke jazarria.