Sarako liburu feriak
Adixkidea
1
Kantatzen dut bihotzetik pasatu dugun egunaz
Harriturik egotu naiz han zagon bildutasunaz
Jendea orroituko baita oi Bazko biharamunaz
Euskal-Herriko anai arrebak mintza zaizte otoi Saraz!
2
Saratarrak beti danik, izan dira maitatuak
Mattinek bertsu kantatzen baitzituen frogatuak
Utziko zituen hark bazter zinema ta teatroak
Saran baitzituen ikusten zinez gauza arraroak!
3
Saratarrek badakite gauzak oneski muntatzen
Hala nola, egun hortan okasione bat baitzen
Ehun bat idazlarik zuzten beren lanak irakusten
Euskaldunek irakurtzean ikas euskara maitatzen.
4
Idatzirikan euskaraz ta idatzirik erdaraz
JakIntsun hainitz zabilan axolatua menturaz
Hazi onez eraina zagon bete dedila fruituaz
Jainko maitea, hementxet gaude, zure baitan esperantzaz!
5
Eskertzen zauztet arrotzak eskertzen adixkideak
Zuen artean iganik oren batzuek goxoak
Guzien izenean zauztet igortzen konplimenduak
Besta horren muntatzaileek zuzten mereximenduak!