Ongi etorri egunkariari
Adixkidea
1
Gora kanta dezagun holako berria
Ez baita ez ttipia den gertakaria
Aspaldiko asmoa ta nahikaria
Euskal Herriarentzat zen behar gorria
Orai kasik hor dugu gaur egunkaria.
2
Beste gauza bat ere erran behar dena
Informazio sailan ezartzen duguna
Ezen herri bakotxak barnean daukana
Bere jenden artean bizitzen duena
Berak besteri ager hori da xuxena.
3
Hirugarren sotasa gogor eta fedez
Ez baita egon behar batere herabez
Beste kasetek gure berriak emanez
Maiz zikindu gaituzte ta bete gezurrez
Orai bestela izain da nahi ala ez.
4
Egunkariari zor dugu hemendikan
Ongi etorri ona gure partetikan
Berri ttipi ta handi guk kausituko han
Izan diten Nafarran ala Gipuzkoan
Oraindik beha gaude irakurtzekotan.